Tel 34 35 00
svarar gerandisdagar frá 08-22

Størv

Oljufýrsteknikari til Effo

 

Effo sóknast eftir einum dugnaligum og ágrýtnum persóni, at arbeiða sum oljufýrsteknikari hjá Effo í Suðurstreymoy og í Vágum.

 

Hitatænastan hjá Effo er ein skipan, ið tryggjar kundum okkara tænastu 365 dagar um árið. Tænastan snýr seg um árligt eftirlit og viðlíkahald  av oljufýrum, ketlum v.m.

 

Arbeiðið umfatar
Arbeiðið umfatar reinsan av oljufýrum, ketlum og kannan og stillan av oljufýrum. Hetta verður gjørt eftir fastari avtalu sum t.d. árligt eftirlit, men eisini, tá talan er um bráfengisútkall, har trupuleikar eru við oljufýrinum.

 

Tú kemur at starvast í eini vaktarskipan, har tit eru fýra í toyminum, hvørs ábyrgd er at veita tænastu til kundar okkara í Suðurstreymoy og í Vágum.

 

Tínir førleikar
Tú ert førur fyri at arbeiða sjálvstøðugt, at fylgja avtalaðum mannagongdum og hevur fulla fatan fyri okkara trygdarskipanum. Tú ert fleksibul og klárur at taka ímóti avbjóðingum, tá vit og kundin ynskja tað. Vit vænta, at tú hevur eina handverkaraútbúgving sum t.d. elektrikari, rørsmiður, maskinsmiðjur ella líknandi.

 

Somuleiðis vænta vit, at tú hevur góð handalig evni, ert ágrýtin, íðin og røkin.  Telduførleiki og enskt á brúkarastøði er ein fyrimunur. Royndir frá líknandi arbeiði og tekniskt innlit er somuleiðis ein fyrimunur. Tað er ein treyt, at tú hevur koyrikort.

 

Vit bjóða tær
Vit bjóða tær eitt spennandi starv í einum góðum og skipaðum umhvørvi. Vit bjóða løn eftir nærri avtalu, sum verður ásett eftir royndum og útbúgving. Eftirlønartrygging fylgir við starvinum. Ert tú rætti persónurnin, fært tú neyðuga upplæring.

 

Umsókn
Skrivlig umsókn við upplýsingum um útbúgving og royndir skal vera okkum í hendi í seinasta lagi
6. februar 2017. Umsóknin skal sendast til:

 

Pf. Effo
Postboks 3098
110 Tórshavn
Frámerki: “Oljufýrsteknikari”

 

ella sum teldupost til hr@effo.fo

 

Miðja verður eftir at seta starvið 1. mars 2017

 

Fleiri upplýsingar fáast við at seta seg í samband við Magna Dybczak, rakstrarleiðara á tel. 21 68 22.

Allar umsóknir verða viðgjørdar í trúnaði