Tel 34 35 00
svarar gerandisdagar frá 08-22

Vilt tú standa á odda fyri orkumiklastu handlunum í Føroyum?

Orkufelagið Effo leitar eftir leiðara at standa á odda fyri Fast handlunum kring landið

 

Effo er ein av størstu fyritøkunum í Føroyum og hevur djúpar røtur í føroyska sam­felag­num.


Felagið leggur stóran dent á at veita vinnuni og húsar­haldunum kring alt landið eina skjóta, góða og trygga tænastu, bæði heima við hús, og á teimum 10 handlunum kring landið, har tað dagliga vitja umleið 5.000 við­skifta­fólk.

 

Starv og ábyrgd
Sum leiðari fyri Fast handlarnar, kemur tú at út­inna løgdu kósina og vera við til á­haldandi at menna framhaldandi rakstur av handl­un­um.


Við tilvísing til stjóran fært tú ábyrgdina av dag­ligu leiðsluni av teimum íalt 10 handl­un­um og tess leiðarum.


Uppgávan hjá tær verður eisini fram­hald­andi at hyggja at grundarlagnum hjá Fast og styrkja og menna virksemið, so at kappingar­førið støð­ugt økist.

 

Væntanir og førleikar

Tað er týdningarmikið, at tú hevur handils­tev og kanst menna handlarnar til á­hald­andi at veita bestu tænastuna við einum skyn­som­um rakstri.


Vit vænta, at tú hevur eyðsýndar leiðslu­før­leikar umframt ein sjónligan og nær­verandi leiðslu­stíl, har tú stuðlar og vegleiðir, so­leiðis at starvs­fólkini ganga undan og taka á­byrgd.


Somu­leiðis vænta vit, at tú hevur við­kom­andi út­­búgving frá hægri lærustovni og/ella við­kom­andi royndir innan økið.

 

Umsóknarfreistin er fríggjadagin 21. desember 2018.

 

Umsókn, CV og onnur viðkomandi skjøl skulu sendast til hr@effo.fo.


Spurningar um starvið kunnu setast Janus Thomsen, stjóra, á tel. 211021.

 

Fyrispurningar og umsóknir verða viðgjørd í trún­aði.