Vit í Effo arbeiða hvønn dag fyri at tryggja haldførar og tryggar orkuskipanir til húsarhald, fyritøkur og samfelagið sum heild. Vit eru eitt orkufelag í menning, og vit leita javnan eftir fólki, ið vilja vera við at flyta okkum fram á leið.

Fyll teigarnar út, so seta vit okkum í samband við teg, um ein hóskandi møguleiki er tøkur – ella um vit síggja eitt spennandi samstarv fyri framman.

Hitatænastufólk søkist

Vit søkja eftir einum tænastusinnaðum, ágrýtnum og ábyrgdarfullum hitatænastufólki.

Dámar tær at loysa praktiskar uppgávur, samskifta við kundar og tryggja, at alt virkar sum tað skal? So er hetta møguliga títt komandi starv!

Um starvið

Hitatænastan hjá Effo veitir eina dygdargóða og skjóta tænastu til okkara kundar 365 dagar um árið. Sum hitatænastufólk verður tú partur av einari framfýsnari fyritøku, sum er í eini spennandi menningarferð, serliga innan varandi orku og grønar loysir. Tú fært møguleikan at arbeiða við spennandi uppgávum og tryggja, at kundar okkara fáa tænastu á hægsta stigi.

Til dagligt verður arbeiðsstaðurin á Streymoynni, Sandoynni og Vágunum.

Arbeiðið umfatar m.a.

• Viðlíkahald og eftirlit við hitaskipanum – Oljufýr og hitapumpur
• Samskifti við kundar og tryggja dygdargóða tænastu
• Avgreiða umbønir og tryggja, at øll arbeiði eru væl framd

Arbeitt verður eftir eini vaktarskipan

Um teg

Vit leita eftir tær, sum hevur

• Góð handalig evni og helst eina handverkaraútbúgving (t.d. elektrikari, rørsmiður, maskinsmiður ella líknandi)
• Koyrikort – Bólkur B er ein treyt
• Dámar at arbeiða sjálvstøðugt og at taka ábyrgd fyri tínum arbeiðsdegi
• Trívist við bæði sjálvstøðugum arbeiði og samstarvi í toymi
• Røkin og neyv/ur og tryggjar, at arbeiðið altíð er væl frágingið
• Góð samskiftisevni og evni at umgangast ymiskar kundar
• Tagnarskyldu – vit virðismeta kundatrygd
• Evni at arbeiða undir skiftandi umstøðum og til tíðir trýstum umhvørvi
• Sjálvdisiplin og trívist í rutinuarbeiði

Vit bjóða

• Eitt arbeiðspláss har trivnaður, samstarv og faklig menning eru í hásæti
• Góðar starvsfólkaviðurskiftir og kappingarførar setanar- og lønartreytir
• Fasta løn umframt yvirtíð eftir vaktarskipan
• Eitt toymisvinarligt og dynamiskt arbeiðsumhvørvi við dugnaligum og góðum starvsfeløgum

Umsókn

Vilt tú gerast partur av Effo? Send tína umsókn við øllum viðkomandi tilfari til hr@effo.fo í seinasta lagi 22.okt. 2025.

Nærri fæst at vita um starvið við at venda sær til Heina Ellingsgaard, leiðara fyri varandi orku, á tlf. 778888 ella hel@effo.fo.

Løn og setanarviðurskifti eru sambært galdandi sáttmála.

Allar umsóknir verða viðgjørdar í trúnaði.

Um Effo

Effo er eitt føroyskt orkufelag, sum veitir orku til alt samfelagið. Við 220 dugnaligum starvsfólkum veita vit vørur og tænastur til kundar kring allar oyggjarnar. Okkara vindmyllulundir í Vestmanna og á Gellingarkletti veita orku til túsundavís av føroyingum. Harumframt eru 10 Effo støðir støðir kring landið, harav Effo rekur 7, har kundar kunnu keypa gerandisvørur, skundverðir og brennievni.