Oljutangar

Skalt tú hava ein oljutanga? Keyp ein góðkendan og dygdargóðan tanga gjøgnum Effo.

Oljutangar

11. september 2018 kom nýggj kunngerð í gildi fyri oljutangar. Kunngerðin skal tryggja, at tangar og rør eru góðkend, trygg og rætt uppsett – bæði til nýggj og eldri hús.

Er tú eigari av einum oljutanga, hevur tú ábyrgd av, at tangin er í lagi, er skrásettur hjá kommununi og at hann verður útskiftur sambært galdandi freistum.

Um tú skal hava ein nýggjan oljutanga, inni, úti ella undir jørð, kanst tú koma á bíðilistan hjá Effo við at skriva ella ringja til okkara. Eftirspurningurin eftir tangum er sera stórur og veitingartíðin er tí eisini sera long.

Trý sløg av tangum til sethúsaolju

Bílegg tanga her

Jørðtangi

Ein jørðtangi er gjørdur til at grava niður.

Mát

1.200 litrar: 95×175 cm

1.500 litrar: 95×225 cm

Tangin vigar uml. 170 kg.

Glasfipurtangi

Tangin er glasfipurklæddur og er væl egnaður at standa úti.

Mát

1.200 litrar: B:67 L:152 H157 cm

–

Tangin vigar uml. 170 kg.

Jarntangi

Jarntangin er málaður reyður og skal standi inni.

Mát

1.200 litrar: B:67 L:152 H157 cm

–

Tangin vigar uml. 170 kg.

Gott at vita

Tín tangi, tín ábyrgd

Hevur tú ein oljutanga á matrikklinum hjá tær, hevur tú ábyrgd av tanganum og somuleiðis av øllum viðlíkahaldi, ið viðvíkur tanganum. Ábyrgdin fevnir um øll rør, áfyllingarstað, ovurfyllingarskipan (floyta) og tangan sjálvan.

Effo tekur tó gleðiliga ábyrgd av oljuáfylling og eftirlit av ketli og oljufýring.

Nær skal oljutangin hjá mær skiftast?

Um oljutangin er í ringum standi, ella er ov gamal sambært kunngerðini um at fyribyrgja dálking frá oljutangum, skal tangin skiftast. Effo kann ikki meta um tangin er nóg góður, men er hann sjónliga í vánaligum standi, boða vit frá hesum, og kunnu ikki fylla olju á tangan. Les um nær tangin skal skiftast sambært kunngerðini her.

Hvussu beri eg meg at við at skifta oljutanga?

Bílegg her á síðuni. Tá ið oljutangin er klárur, ringja vit til tín, og levera tangan á bústaðin.

Veitst tú ikki hvønn oljutanga tú skalt velja, viðmæla vit ein 1500 ltrs jørðtanga. Oftast keypa fólk tó sama tanga, sum tey hava havt frammanundan.

Fyrimunur sum Effokundi

Fært tú fasta oljuveiting frá Effo, fært tú prísfyrimun, tá ið tú bíleggur oljutangan.

Ert tú ikki Effokundi, men kundi hugsað tær? Ring á telefon 343500.

Rør- og graviarbeiði

Effo ger ikki rør- og graviarbeiði, ið ofta skal til, tá ið ein oljutangi verður skiftur.

Olja eftir í gamla tanganum?

Eru nakrir litrar eftir í gamla oljutanganum? Royn og brenn oljuna liðna, áðrenn tangin verður skiftur. Tømir tú oljuna frá gamla tanganum í tann nýggja, er vandi fyri at dálkingin, ið sannlíkt hevur hópað seg upp í gamla tanganum, fylgir við í nýggja tangan.

Hvussu nógv olja er á tanganum?

Um tú ivast, hvussu nógv olja er eftir á tanganum, kanst tú peila tangan og brúka talvuna niðanfyri

1.500 litrar tangi

1.200 litrar tangi

cm	Litrar eftir í tanga
5 cm	28 litrar
10 cm	78 litrar
15 cm	141 litrar
20 cm	214 litrar
25 cm	295 litrar
30 cm	381 litrar
35 cm	472 litrar
40 cm	566 litrar
45 cm	663 litrar
50 cm	750 litrar
55 cm	837 litrar
60 cm	934 litrar
65 cm	1.028 litrar
70 cm	1.119 litrar
75 cm	1.205 litrar
80 cm	1.286 litrar
85 cm	1.359 litrar
90 cm	1.422 litrar
95 cm	1.472 litrar
100 cm	1.500 litrar

cm	Litrar eftir í tanga
5 cm	26 litrar
10 cm	71 litrar
15 cm	130 litrar
20 cm	190 litrar
25 cm	263 litrar
30 cm	341 litrar
35 cm	422 litrar
40 cm	507 litrar
45 cm	592 litrar
50 cm	663 litrar
55 cm	762 litrar
60 cm	838 litrar
65 cm	917 litrar
70 cm	992 litrar
75 cm	1.061 litrar
80 cm	1.122 litrar
85 cm	1.171 litrar
90 cm	1.192 litrar
92 cm	1.200 litrar
–	–