Tú verður partur av roknskapardeildini
Ein skrivstovuútbúgving gevur tær grund­leggjandi vitan um fyrisiting, búskap og roknskap. Tú lærur alt um bókhald, og fært innlit í sølu. Tú fert at arbeiða við ymiskum KT-skipanum og fært sostatt hollan kunnleika til tær. Tú lærur at sam­skifta við kundar og samstarvsfelagar, og tú fert at skilja týdningin av at veita góða tænastu.
Effo er eitt stórt felag, og tískil fært tú eisini við okkara flytførisætlan kunn­­leika og vitan um, hvussu tað er at arbeiða í einum stórum felagi, sum virkar kring alt landið.
Starvsstaðið verður á høvuðsskrivstovuni á Óðinshædd 5 í Havn.
Útbúgvingin tekur 3 ár um tú hevur FHS og 2 ár við miðnámsútbúgving.

Vit ímynda okkum at tú
– Dugir at arbeiða sjálvstøðugt og saman við øðrum
– Hevur hug at arbeiða nógv við teldu og ymiskum telduforritum
– Vilt mennast og tekur ábyrgd av tíni útbúgving
– Deilir tínar royndir, bæði tær súru og søtu
– Vilt læra og læra frá tær

Vilt tú spretta, so skalt tú søkja lærupláss hjá Effo
Í Effo vita vit, at vit hava frálík starvsfólk, sum hvønn dag geva orku til okkara kundar. Vit kenna eisini týdningin av at sleppa at nýta sítt fulla potentiali – at spretta og blóma. Og øll okkara starvs­fólk eru ymisk við hvør sínum dreymum, ætlan­um og eginleikum.

Søk starv sum lærlingur
Send umsókn og onnur viðkomandi skjøl til hr@effo.fo ella longri niðri her á síðuni. Umsóknarfreistin er fríggjadagin 11. august. Ynskiligt er at viðkomandi byrjar 4. september.
Hevur tú spurningar um starvið, ert tú vælkomin at seta teg í samband við Menning Geyti, roknskapar­leiðara.