Starvsfólkið er okkara størsta virði. Við góðum starvsfólki tryggja vit framgongd og góðsku. Tí er tað altavgerandi at vit hava ein sterkan hóp. Tað fáa vit við at leggja dent á hesi fýra økini.
Byrja tína yrkisleið sum Effo Spíri
Vilt tú mennast? Blív ein av okkara Effo Spírum.
Vit søkja eftir lærlingum til okkara Effo støðir í
Gundadali
Argjum
Kollafirði
Klaksvík
Skálabotni
Vági
Yrkisleið í Effo
Í Effo kanst tú skapa tín egnu leið, og vit eru til reiðar at hjálpa tær at koma á mál.
Sum lærlingur í Effo fært tú eina yrkisútbúgving sum søluatstøðingur í einum felagi sum virðismetir starvsfólkatrivnað, og vil geva kundunum framúr góða tænastu og nógv virði. Í lærutíðini fært tú innlit í kundatænastu, roknskap, sølu, hagtøl, samskifti v.m. Harumframt ert tú fimm vikur runt í Effo samtakinum. Tú fært uppgávur og ábyrgd í samsvari við tínar vaksandi førleikar og mál.
Lærutíðin er 4 ár, men styttist í mun til tína útbúgving. Við miðnámsskúlaprógv kann lærutíðin styttast heilt niður í 2 ár. Endaliga skúlaskeiðið varar í 7 vikur.
Arbeiðstíðin er 40 tímar um vikuna.
Vit ímynda okkum at tú:
– Hevur hugskot og finnur vegirnir til úrslit
– Vilt mennast og tekur ábyrgd av tíni útbúgving
– Deilir tínar royndir, bæði tær súru og søtu
– Vilt læra og læra frá tær
Hví søkja?
Í Effo vita vit, at vit hava frálík starvsfólk, sum hvønn dag geva orku til okkara kundar. Vit kenna eisini týdningin av at sleppa at nýta sítt fulla potentiali – at spretta og blóma. Og øll okkara starvsfólk eru ymisk við hvør sínum dreymum, ætlanum og eginleikum.
Vilt tú spretta, so skalt tú søkja um lærupláss hjá okkum.
Fyrispurningar og umsóknir verða viðgjørd í trúnaði. Hevur tú spurningar , ert tú vælkomin at seta teg í samband við Rebekku Danielsen, HR- og marknaðarleiðara á rda@effo.fo ella tlf 285859.
Vit gleða okkum at hoyra frá tær.
Um Effo
Effo er eitt føroyskt orkufelag hvørs endamál er at veita orku til føroyska samfelagið bæði á landi og sjógvi. Vit hava 200 dugnalig starvsfólk, ið veita ymsar vørur og tænastur til kundar kring allar oyggjarnar. Høvuðsskrivstovan er á Óðinshædd í Tórshavn og virksemið er kring allar oyggjarnar. Effo eigur helmingin av felagnum Vindrøkt,sum rekur 9 vindmyllur, og veitir grøna orku til øll húsarhald í Føroyum.
Harumframt eru 10 Effo støðir kring landið harav Effo rekur 7, sum allar selja gerandisvørur, skundverðar og brennievni. Effo í Gundadali er størsta Effostøð og sum hevur flestar avgreiðslur um dagin.
Menning á øllum stigum er neyðugt. Vit ynskja at tú blívur betri til tað tú ert góð/ur til og fært møguleika fyri at læra nakað nýtt. Vit halda tað er ein fyrimunir at tú torir at taka ímóti avbjóðingum – soleiðis finna vit talentir innanhýsis.
Okkara mál er at skapa eina mentan við leiðarum sum taka avgerðir, geva ábyrgd og hava álit á starvsfeløgunum. Sum leiðari hevur tú møguleika fyri at menna teg og sparra saman við øðrum royndum og eydnuríkum leiðarum.
Hjá Effo arbeiða vit saman við at røkka okkara málum – tí við felags málum fáa vit bestu úrslitini. Vit eru opin fyri meiningum og tankum hjá hvørjum øðrum – saman fáa vit bestu úrslitini.
Ein góð javnvág millum arbeiði og frítíð er neyðug fyri starvsfólka trivnaðin og effektivitetin. Sum arbeiðsgevari vilja vit eggja til ein góðan dagligdag við javnvág millum familjulív og frítíð sameint við arbeiði og yrkisleið.
