Search by 
Effo letur oljuúrdráttir til føroysk og útlendsk skip í Føroyum umframt, at felagið eisini veitir føroyskum og útlendskum skipum oljuúrdráttir í útlendskum havnum og á høvunum. Harumframt er Effo einasti veitari av Jet Fuel í Føroyum. Fyri framhaldandi at taka lut í at menna føroyska samfelagið, eigur Effo helmingin av Vindrøkt, sum veitir orku burturúr vindorku.
Ein partur av Effo eru Effo støðirnar kring landið, sum veita gerandisvørur og brennievni.
Í dag starvast umleið 200 fólk í Effo samtakinum.
Virkir, stovnar, flogfør og húsarhald teljast millum kundabólkarnir hjá okkum, sum fáa oljuúrdráttir og aðrar tilhoyrandi tænastur frá felagnum. Felagið hevur oljugoymslur á Viðarnesi, Saltangará, Fuglafirði og á Tvøroyri og eru hesar 70% av allari oljugoymslu í Føroyum. Harumframt eigur felagið stóra terminalin í Fuglafirði, Effo Bunkers, har skip úr øllum heiminum bunkra.
