Search by

Hitatænasta

Hitatænasta 365 dagar um árið
– bæði til Thermia hitapumpur og oljufýr

Við Effo Hitatænastuni kanst tú kenna teg trygga/n hvønn dag í árinum. Við í Hitatænastuni er árligt eftirlit og tilkalling. Eftirlitið tryggjar tær fulla nyttu úr hitaloysnini og leingir um livitíðina á bæði hitapumpuni og oljufýringini. Um hitaskipanin svíkur, eru okkara hitatænastufólk kvik á staðnum at hjálpa.

Effo Hitatænastan er væl mannað við góð­kendum orkutøkningum

Einaferð um árið koma okkara hitatænastufólk á gátt at reinsa tína hitaskipanin – títt oljufýri ella tína hitapumpu. Vit gera eftirlitsmátingar og stilla skipanina. Um lutir, treingja til at verða skiftir, gera vit eisini tað.

Ring eftir okkum, um ólag er á hitaskipanini, so koma hitatænastufólk okkara og fáa gongd á aftur. Hitatænastan svarar allar dagar í arinum frá klokkan 8-22 gerandisdagar og 10-22 í vikuskiftinum og halgidagur.

Hvat fylgir við Hitatænastuhaldinum?

Hitatænasta – Hitapumpa

Lógarkravt eftirlit verður gjørt árliga. Tað eru góðkendir orkutøkningar, sum gera eftirliftið.

Eftirlitið fevnir um

  • Kanna og skifta lutir um neyðugt
  • Kanna og reinsa filtur
  • Kanna temperatur á skipanini
  • Kanna um nóg mikið av kølivesku er á skipanini
  • Eftirlitsmátingar
  • Stilla hitapumpu eftir mátingum
  • Kanna um sjónlig brek ella ólag er á skipanini
  • Lesa av, hvussu nógv hitapumpan hevur verið í rakstri

 

Effonetið

Fyri at tryggja støðugt og trygt samband við hitapumpuna, verður ein 4G-beinari settur á hana. Hetta ger tað møguligt at knýta hitapumpuna og stýringseindina beinleiðis í eitt avbyrgt net – Effonetið.

Við Effonetinum fær Hitatænastan fráboðan, um ólag er á hitapumpuskipanini, og kann skjótt avgreiða ólagið. Í summum førum kann Effo avgreiða ólagið uttan at skula út á staðið.

Hitatænasta – Oljufýr

Eftirlit verður gjørt árliga. Tað eru góðkendir orkutøkningar, sum gera eftirliftið.

 Eftirlitið fevnir um

  • Kanna og stilla oljufýr
  • Reinsa oljufýr og ketil
  • Eftirlitsmátingar
  • Stilla oljufýr eftir mátingum
  • Skifta lutir so sum dysu og filtur um neyðugt
  • Oljupumpa/filtur verður kannað
  • Oljutrýst/logalitur verður kannað
  • Eldtrantur/brennarahøvd verður reinsað
  • Elektrodur verða reinsaðar
  • Luftinntak/luftveitir verða reinsaðar
  • Termostatur verður kannaður
  • Trygdartíð verður kannað
  • Ketil/roykrør verða reinsaði

 

Økonomiroynd

  • Kolsýruprosent
  • Sóttal
  • Trekk
  • Roykhiti
  • Gagnorka

 

Onnur viðurskifti, sum kunnu ávirka samlaðu hitaskipanina

Tað eru fleiri viðurskifti umframt ketil og oljufýr, sum skulu virka, fyri at tann samlaða hitaskipanin skal virka. Tað, sum er uttan fyri ketilin og oljufýrið, fevnir Effo Hitatænastan ikki um:

  •  Sirkulatiónspumpu
  • Ekspansiónstanga
  • Oljutanga
  • Fylla vatn á hitaskipan
  • Tiptan oljustrong
  • Kamin/skorstein
  • Elinlegging
Hvat kostar Effo Hitatænastan?

Hitatænasta til oljufýr kostar 1.210 kr. um árið.

Hitatænasta til hitapumpu kostar 1.980 kr. um árið.

Effo_Hitataenastan_Foroyakort_Yvirlit_02

Hitatænastan býtt sundur í økir

Effo Hitatænastan veitir árligt eftirlit og kann tilkallast, har ið landfast er á meginøkinum og í Suðuroynni. Hitatænastan er býtt sundur í hesi øki:

1. Suðurstreymoy, Vágoy og Sandoy
2. Norðurstreymoy, Eysturoy og Norðoyggjar
3. Suðuroy
4. Útoyggjar*

*Enn er eingin tilkalling til útoyggjarnar. Tó ber til at fáa árligt eftirlit, har ið vit koma at kanna, reinsa og stilla orkuskipanina.

Skifta oljufýr ella hitapumpu?

Er oljufýrið ella hitapumpan slitin og áttið at verið skift út? Ring til okkum á 343500, ella til hitatænastufólkið í tínum øki, so koma vit at hyggja upp á tað.

Fá okkara tíðindabræv við at melda til her